Alpha Zone

Luxury” буюу “Тансаг” гэдэг үгийн агуулга нь цаг хугацаа өнгөрөх тусам хувьсан өөрчлөгдөж байдаг. Орчин үеийн хүмүүсийн амьдралын хэв маягт гарч буй өөрчлөлт нь хүмүүсийг илүү бие биетэйгээ ойрхон байх, цагийг үр ашигтай өнгөрүүлэх, гоо зүйн таашаал авах, бодит үнэ цэнийг сайшаах хандлагатай болгож байна. Энэхүү шинэ хандлагыг “The New Luxury” хэмээн нэрлэх болсон.

Хэрэгцээнд нийцсэн, үр ашигтай зохион байгуулалт бол тансаглал юм. Төслийн багийнхан өрөөний талбай, дотор функцүүд тэдгээрийн зохион байгуулалтыг хийхдээ хэрэглэгчийн төлж буй төгрөг бүрийг үр ашигтай байлгаж, тав тухтай амьдрах орчин бүрдүүлэхийн тулд төсөл хөгжүүлэлтийн нийт хугацааны 60-70%-ийг зөвхөн өрөөний зохион байгуулалтыг оновчтой хийхэд зарцууллаа. Хэрэглэгчийн хэрэгцээ шаардлага, бусад орны туршлага, орчин үеийн амьдралын хэв маяг зэргийг судалсны үндсэн дээр айлуудын төлөвлөлтийг хийж, бодит орон зайд хөрвүүлэн туршиж хамгийн оновчтой хувилбаруудыг сонгож хөгжүүлэв.

“New luxury” концептийн гол онцлог нь энгийн атлаа чанартай, хэрэглэгчийнхээ хэрэгцээ шаардлагад төгс нийцдэг байх юм.Тиймээс “minimalist” болон “contemporary” урсгалын давуу талуудыг хослуулан хэрэглэгчдэд хэрэгцээтэй интерьерийн шийдлийг боловсруулсан. Мөн айл гэрийн интерьерийн суурь болох дан уналттай тааз, хана шалны өнгөний хоршил нь аль ч урсгалд зохицох бөгөөд оршин суугч өөрийн тавилгын сонголтоороо хүссэн интерьерээ бүрдүүлэх боломжтой.

Тав тух, үнэ цэнэ, эрүүл орчныг бүрдүүлсэн энэ хотхон нь Улаанбаатар хотын шинэ суурьшлын бүс болох ХУД 15-р хороо “Орчлон” сургуулийн баруун талд сүндэрлэнэ. Мөн Emart, Оргил худалдааны төвүүд, томоохон ресторанууд хотхоны ойролцоо байрлах тул хэрэгцээт үйлчилгээг нэг дороос цаг алдалгүй авах боломжтой.

Гоо зүй, зохистой төлөвлөлт, чанар гурвыг нэгэн зэрэг мэдрэх нь тансаглал юм. Архитектур төлөвлөлтөөрөө байршлын давуу талыг тодотгож, богд-хан уул, хатан туул, үндэсний цэцэрлэгт хүрээлэн, их хотыг тольдох үзэсгэлэнт харууцыг айл бүрд хүрэлцээтэй хэмжээнд бий болгохыг зорьсон. Орон зайг саруулхан байлгах, орчны харууцыг сайжруулахын тулд барилгуудыг шатрын хөлөг байдлаар байршуулсан бөгөөд айлуудын 80 хувийг 2 ба 3 тал руу харсан цонхны харууцтай байхаар төлөвлөсөн.Таазны өндөр нь ижил төстэй орон сууцуудаас даруй 20 см-ээр өндөр төлөвлөсөн ба өндөр саруулхан цонхтой хосолж тухайн айлд орон зайн тав тухыг мэдрүүлэх шийдэлтэй. Гадна болон дотор ногоон байгууламжийг оршин суугчдын тав тухад нийцүүлэн төлөвлөсөн.

Хотхоны дунд хэсэг болох оршин суугчдын болон хүүхдүүдийн чөлөөт цагаа өнгөрүүлэх нийтийн эзэмшлийн хэсгээс машины хөдөлгөөнийг тусгаарласнаараа эрүүл аюулгүй амьдрах ээлтэй орчныг бүрдүүлсэн төлөвлөлтийн шийдэлтэй. Мөн чөлөөт цагаа зөв боловсон өнгөрөөх сагсан бөмбөгийн талбай, явган хүний замтай байх юм.

Төслийн хувьд цогцолбор хотхоны төслүүд дээр олон жил амжилттай ажилласан чадварлаг инженер, гүйцэтгэгч компаниудаар багаа бүрдүүлж олон улсын стандартад нийцсэн бүтээн байгуулалтыг хийхээр ажиллаж байна. Төслийн барилгын чанар хийцээс дурдвал бүрэн цутгамал төмөр бетон хийцтэй ба барилгын суурь нь ус тусгаарлалтын Герман материал, технологиор хамгаалагдсан. Мөн барилгын гадна талыг 30-н жилийн турш өнгө чанараа алдахгүй металл болон хөнгөн цагаан фасадаар шийдсэн.

Хэрэглээнд тулгуурласан олон төрлийн талбайн хэмжээ болон өрөөний сонголттой Өндөр тааз, саруулхан цонхыг төлөвлөсөн нь орон зайг илүү мэдрүүлнэ. Зочны өрөөний зохистой хэлбэр, хэмжээг бий болгосон. Орон зайг саруулхан болгох үүднээс үүдний шүүгээ, унтлагын өрөөний шүүгээг суурилуулсан. Орчин үеийн чиг хандлага бүхий интерьер дизайны шийдэлтэй. Айл бүрд агуулахын өрөө, угаалга хийх өрөөг тусад нь төлөвлөсөн. Өрөөний зохион байгуулалтыг оновчтой төлөвлөснөөр талбай ашиглалтыг нэмэгдүүлж чадсан.

Хотхон 360 авто машины зогсоол, 145 ил зогсоолтой ба орон сууцруугаа лифтээр шууд орох боломжтой, 2 талаараа 4 орц гарцтай.

Энэ төсөл нь оршин суугчдадаа зориулан “Alpha community center"-ийг бүтээн байгуулахаар төлөвлөсөн. Энэхүү цeнтрийн үйл ажиллагаагаараа дамжуулан хөршүүд хоорондоо танилцах, хүсэл сонирхлоороо нэгдэх, найз нөхөд болох, бизнесийн хамтрагчаа олох, урт хугацааны найрсаг амьд харилцаа үүсгэх бололцоог бүрдүүлж байгаа юм.