SKY PARK төсөл Улаанбаатар хотын хамгийн үнэ цэнтэй бүсэд байрлах тансаг зэрэглэлийн 91 айлын орон сууц, оффис болон худалдаа үйлчилгээний төвөөс бүрдсэн бөгөөд орчин үеийн архитектур дизайны шинэлэг хэв маяг, загвар шийдэл, ур ухааныг шингээсэн Монголын анхны ногоон барилгын LEED BD+C Gold гэрчилгээ авахаар зорьж буй mixed-use төсөл юм.

Төслийн хувьд үндсэн бүтэц болох skypark mall, skypark office, skypark residence, нэмэлтээр sky bridge хэсгүүдээс бүрдэж Live beyond- хязгаараас цааш концепцтэйгээр хөгжүүлж байна.

Phase I буюу Sky Park Residence нь 2027 оны 3-р улиралд ашиглалтад орохоор төлөвлөгдөж, Sky Park Mall болон Office нь Phase II үе шатанд хэрэгжихээр төлөвлөгдөж байна.

SKY PARK RESIDENCE | ТӨСЛИЙН МЭДЭЭЛЭЛ

• Нийт айлын тоо: 91
• Нийт давхрын тоо: 24
• Давхарын зохион байгуулалт | 3–15 давхар – 5 айлтай, 16–23 давхар – 3 айлтай, 24 давхар – 2 айлтай
• Өрөөний зохион байгуулалт: 2–5 өрөө, 69.30м² – 275.03м² талбайн сонголттойгоор зах зээлд нэвтрүүлж байна.

SKY PARK ТӨСЛИЙН ЯЛГАРАЛ

Mixed-use буюу олон зориулалттай цогцолбор

Орон сууц, оффис, худалдаа үйлчилгээний төвийг нэгтгэсэн mixed-use буюу олон зориулалттай цогцолбор нь их хотын хэмнэл, завгүй амьдралын хэв маяг, амарч зугаалах ногоон орчныг хослуулсан төлөвлөлттэй бөгөөд амьдралын шинэ хэв маягт эрүүл, идэвхтэй амьдрах, тав тухтай үйлчилгээ авах, сэтгэлд нийцсэн хөршүүдтэй амьдрах, сонирхол хоббигоо хөгжүүлэх орон зайг цогцлоож өгсөн. Өөрөөр хэлбэл барилгын доод давхруудад худалдаа, үйлчилгээ, дунд давхруудад оффис, ажлын орчин, дээд давхруудад орон сууц байршуулснаар амьдралын хэмнэл, орчны идэвх уялдаатай болгосон.

Тогтвортой хөгжилд нийцсэн

Дэлхийн стандартыг монголын онцлогт тохируулан, тэргүүлэх инженеринг, архитектурын байгууллагуудтай хамтран хэрэгжүүлсэн бүтээн байгуулалт. Ногоон барилгын LEED BD+C Gold гэрчилгээ авахаар зорьж буй Монголын анхны mixed-use төсөл болох SKY PARK төслийн барилга төлөвлөлт, зураг төсөл, барилга угсралт, ашиглалтад хүлээлгэн өгөх бүх шатанд байгаль орчин, эдийн засаг, хүний эрүүл мэндэд ээлтэй шийдлийг хэрэгжүүлснээрээ онцлогтой.

Хамгийн том ногоон байгууламжтай шууд холбогдох гүүрэн гарцтай

Улаанбаатар хотын хамгийн том ногоон бүс болох цэвэр агаар, эерэг энерги бүхий Үндэсний цэцэрлэгт хүрээлэн рүү шууд холбогдох гүүрэн гарцаар оршин суугчид аюулгүй замаар гарах боломжийг бүрдүүллээ.

Дашрамд дурдахад дэлхийн томоохон хотуудын цэцэрлэгт хүрээлэнг дагасан бүтээн байгуулалт нь тухайн хотын хамгийн үнэ цэнтэйд тооцогддог, анхны хөрөнгө оруулалтаас 8-20% хүртэлх үнийн өсөлтийг үзүүлдэг онцлогтой.

4-р үеийн худалдаа үйлчилгээний төв

SKY PARK төслийн хувьд Монголд анх удаа 4-р үеийн худалдаа үйлчилгээний төвийг нээхээр төлөвлөөд байна. 4-р үеийн худалдаа үйлчилгээний төв нь хэрэглэгчийн туршлага, амьдралын хэв маяг, технологийг нэгтгэсэн “туршлагад суурилсан” төв байдгаараа онцлогтой.

Өөрөөр хэлбэл хэрэглэгч энэхүү төвд ирээд зөвхөн худалдан авалт хийхээс гадна ажил, амралт, соёл, спорт, энтертайнмент гээд амьдралын бүх хэрэгцээг нэг дор хангасан орчинд тав тухтай үйлчилгээ авах, сонирхол хоббигоо хөгжүүлэх, дурсамж бүтээх орон зайг цогцлоож өгсөн юм.

БАРИЛГЫН ЧАНАР

Төслийн үндсэн ган төмөр бетон хийцлэл нь зөвхөн ган бус давхар бетон цутгалттай учраас газар хөдлөлт болон галын аюулд тэсвэртэй байдаг. Төмөр бетон хийцлэл нь хэтэрхий хөшүүн байдаг бол ган төмөр бетон хийцлэл нь уян хатан буюу боолтон холбооc, ширээлтэн холбоос нь газар хөтлөлтөд тэсвэртэй байхад нөлөөлдөг. Энэ бүхний нөлөөгөөр барилга бүр бүхэлдээ газар хөдлөлтийн найман баллд тэсвэртэй болж байгаа аж.

Барилгын шилэн фасадны онцлог нь гоо зүй, хотын үзэмж талаасаа маш цэвэрхэн хөнгөн харагдуулдаг материал учраас орчинтойгоо уялдуулан хэт их масслаг байдлыг багасгахын тулд сонгосон. 3 давхар шилтэй учраас битүүмжлэл болон барилгын дулаан тусгаарлалт сайтай. Unitized system буюу барилгын талбай руу суурилуулахын өмнө үйлдвэрт урьдчилан бүрэн угсарч битүүмжилсэн хавтан хэсгүүдээс бүрддэг учраас суурилуулалтыг хялбарчилж өгсөн.

Төслийн судалгаанаас эхлээд барилга угсралт хүртэлх бүхий л үе шатанд хүн төвт төлөвлөлтийг шингээж олон улсын болон дотоодын тэргүүлэх зэргийн компаниудтай хатмран ажилласан. Тухайлбал Хятад улсад “Wanda Plaza” худалдаа үйлчилгээний төвийн 500 гаруй салбарыг хөгжүүлсэн туршлагатай WANDA групптэй хамтран төслийн шоппинг моллын төлөвлөлтийг гүйцэтгэж, барилгын метал хийцлэлийн зах зээлд Хятад улсдаа тэргүүлэгч, дэлхийн 70 гаруй улсад олон улсын чанарын стандартаар баталгаажсан бүтээгдэхүүнийг нийлүүлэгч HANGXIAO STEEL STRUCTURE үйлдвэртэй хамтран төслийн үндсэн бүтээц болох метал бүтээцийг  шийдсэн байна.

Шилэн фасадны дизайн, инженерчлэл, үйлдвэрлэл, суурилуулалт, зөвлөх үйлчилгээ зэрэг барилгын фасад системийн шийдлүүдийг цогцоор нь нийлүүлдэг, Хятад улсад тэргүүлэгч компани болох “JANGHO” групптэй хамтран барилгын гадна шилэн фасадыг хийж гүйцэтгэсэн.

Түүнчлэн барилгын технологи, бүтцийн инженерчлэл, эрчим хүчний хэмнэлт болон Хятад улсын барилгын норм дүрэм болон стандарт боловсруулдаг барилгын салбарын хамгийн том, хамгийн өргөн хүрээтэй судалгааны байгууллага болох CABR (China Academy of Building Research)-тай хамтран  SKY PARK төслийн барилгын зураг төслийг боловсруулсан.

 

БАЙРШИЛ

Үл хөдлөх хөрөнгийн хувьд хамгийн чухал анхаарах шаардлагатай нь байршил гэдэгтэй хэн ч маргахгүй биз. Богд уулын энгэр, хатан туулын хөвөө, үндэсний цэцэрлэгт хүрээлэнтэй залгаа цэвэр агаар, эерэг энерги бүхий онцгой байршилд уужим цэлгэр цонхоор их хотын байгалийн сайхныг бүтэн тольдон алган дээрээ байгаа шиг харах боломжтой 360 харууцтай.

SKY PARK төслийн борлуулалтын албатай холбогдох: 7715-5555

Фэйсбүүк хуудсаар зочлох: sky park mongolia

Танилцуулга татах

ТЭСО Пропертис Группийн хамт олон 13 жилийн турш тасралтгүй хөдөлмөрлөж, инновац, инженерчлэлийн сэтгэлгээгээр салбартаа шинэ жишиг тогтоон хүн төвт амьдралын хэв маягийг бодитоор бий болгосон төслүүдийг хэрэгжүүлж, дэлхийн жишигт нийцсэн бүтээн байгуулалтын орчин үеийн шийдлийг Монголын хэрэглэгчдэдээ хүргэсээр байна.

Бид “Хүн төвт" бүтээн байгуулалтыг эрхэм болгож, оюун санаа, инновац, ур чадвар, архитекторын ухаалаг шийдлийг барилга бүтээн байгуулалтаар дамжуулан ирээдүйн хөгжлийн тод өнгийг тодорхойлон ажиллахыг зорьдог.

Инженерчлэлийн сууриар ирээдүйн шийдлүүдийг бүтээн Монгол Улсын хөгжлийн ирээдүйд хөрөнгө оруулалт хийн хичээн зүтгэж буй та бүхэндээ ажлын эрч хүч, эрүүл энх, амжилт бүтээлийн шинэ замыг хүсэн ерөөхийн зэрэгцээ Монгол Улсын үе үеийн бүтээн байгуулагчид, барилгын салбарт ажиллаж буй нийт мэргэжилтнүүддээ болон ТЭСО ПРОПЕРТИС группт хамтын үнэ цэн бүтээлцэж буй бүх ажилтнууддаа Барилгачдын баярын мэнд дэвшүүлье.

Тэсо Пропертис групп нь Монголын үндэсний өв соёл, уламжлалыг дээдэлж, хадгалан хамгаалахыг эрхэмлэдэг бөгөөд энэ чиглэлд “Өв соёл- эрхэм” гэх кампанит ажлыг тогтмол хэрэгжүүлдэг билээ. Энэхүү кампанит ажил нь ирээдүй хойч үедээ ёс заншил уламжлалаа өвлүүлэн үлдээх, таниулахад чиглэсэн үйл ажиллагаа юм.

“Өв соёл эрхэм” кампанит ажил нь үндэсний хувцас, ёс заншил, уламжлалт зан үйл, баяр наадмын уламжлалыг олон нийтэд сурталчлан таниулах замаар Монгол хүн бүрд өөрийн өв соёлоороо бахархах сэтгэлийг төрүүлэх зорилготой юм. Түүнчлэн  Цагаан сар, Наадам зэрэг томоохон баяр ёслолын үеэр өв соёлын үнэ цэнийг онцлон харуулах, сэргээх ажлуудыг зохион байгуулдаг билээ.

Үндэсний их баяр наадмыг тохиолдуулан эрийн гурван наадмын нэг болох  Монгол бөхийн өв соёлыг онцолж буй.  Энэхүү бүтээлээр дамжуулан Монгол бөхийн эртний түүх, уламжлалт ёс заншил, хүмүүжлийн үнэ цэн, эр зориг, ёс суртахууны илэрхийллийг тодотгон харуулахын зэрэгцээ, өнөө цагт хэрхэн залгамжлан хадгалагдаж, үеийн үед үнэт өв болон үргэлжилж буйг олон нийтэд таниулах ажил юм.

Хэдий монголчууд нүүдэлчин амьдралын хэв маягаас суурин соёлд шилжин, цаг үеийн урсгалд олон зүйл өөрчлөгдөж буй ч язгуур соёл, өв уламжлалаа марталгүй нандигнан хадгалж, бахархал болгон хойч үедээ уламжлуулан өвлүүлж буйг энэхүү кампанит ажлаар илэрхийлэхийг зорьж байна.

Үзэх холбоос: https://www.facebook.com/tesoproperties/videos/1053210390328585

 

Бид тогтвортой хөгжлийн хүрээнд байгаль дэлхийд ямар мөрийг үлдээж байгаадаа онцгойлон анхаарч, байгальд ээлтэй, орчинг сайжруулах зорилготой бүтээн байгуулалтуудыг цогцлоохыг эрхэмлэдэг. Энэ хүрээнд бидний тэмүүлж буй зорилго нь байгаль орчныг хамгаалах, экологийн тэнцвэрийг хадгалах явдал юм.

2022 оноос эхлэн бид ногоон ирээдүйг бүтээх зорилгоор олон чиглэлд төлөвлөлт, хөтөлбөрүүдийг боловсруулж эхлүүлсний нэг чухал төсөл нь 2025 онд эхлэх "Sky Park Mixed Use Development" цогц төсөл юм. Энэ төслийн хүрээнд бид байгальд ээлтэй технологи, ухаалаг шийдлүүдийг нэвтрүүлэх зорилгоор ажиллаж байна. Энэхүү төслийн гол онцлогууд нь байгаль орчинг хадгалах, эрчим хүчний үр ашгийг дээшлүүлэх, усны менежмент, хог хаягдлыг зохицуулах зэрэг экологийн стандартыг баримтлан хэрэгжүүлэхэд оршиж байна.

 

Бидний зорилго нь байгаль орчныг хамгаалах баталгааг хангаж, ирээдүй хойчдоо цэвэр, эрүүл, ээлтэй ногоон орчныг олгох төсөл болох бөгөөд энэ чиглэлд нэн тэргүүнд анхаарч, шинэлэг технологи, инновацид түшиглэсэн бүтээн байгуулалтыг өрнүүлж байна. Ийнхүү хүн ам, эдийн засаг, байгаль дэлхийг зөв тэнцвэртэй байдлаар хөгжүүлэхийн төлөө идэвхтэй ажиллаж байна.

Тэсо пропертис групп “Харилцагч эрхэм-2025” хөтөлбөрийн танилцуулга, үр дүнгийн талаар харилцагч байгууллагуудынхаа удирдлагуудад зориулсан арга хэмжээг үе шаттайгаар амжилттай зохион байгууллаа. Энэ арга хэмжээ нь бидний харилцагч байгууллагуудын дунд томоохон ач холбогдолтой бөгөөд энэхүү хөтөлбөрөөр бид группийн үйл ажиллагааг илүү хариуцлагатай, хүртээмжтэй байлгахаас гадна тэдгээрийн бизнесийн процессийг сайжруулах, харилцагчдын сэтгэл ханамжийг дээшлүүлэх зорилготой юм.

Хөтөлбөрийн хүрээнд хэрэгжүүлсэн сэтгэл ханамжийн судалгааг “Alpha zone” болон “Sky zone” төслүүдийн нийт 30 гаруй гүйцэтгэгчээс авсан бөгөөд үр дүн нь харилцагчдын санал, зөвлөмж, шаардлагыг цуглуулж, цаашдын хөгжлийн төлөвлөлтөд тусгасан байна. Судалгааны үр дүнд үндэслэн бид удирдлагуудад зориулсан ХЭМАБ сургалт, компанийн ажилчдын дунд quiz night, шилдэг гүйцэтгэгч шалгаруулах ажлуудыг зохион байгуулахаар төлөвлөн ажиллаж байна.

Эдгээр арга хэмжээ нь бидний төлөвлөж буй цогц хөтөлбөрийн гол хэсэг бөгөөд байгууллагын бүх шатны ажилтан, удирдлагуудад бүтээгдэхүүн үйлчилгээний чанарыг сайжруулах, харилцагчийн сэтгэл ханамжийг нэмэгдүүлэхэд чиглэсэн юм.

Бидний зорилго нь “Харилцагч эрхэм-2025” хөтөлбөрийг амжилттай хэрэгжүүлснээр Тэсо пропертис групп цаашдаа зах зээл дээр илүү нэр хүндтэй, харилцагч байгууллагын итгэлийг хамгийн чухал түшүүр болгон улам батжуулна гэдгээ баталгаажуулж байна.

 

ТЭСО Пропертис группийн хэмжээнд ажиллаж буй нийт инженерүүдийн мэргэжлийн мэдлэг, ур чадварыг хөгжүүлэх, дотооддоо мэдлэг мэдээллээ хуваалцаж, хамтдаа өсөн дэвших боломжийг нэмэгдүүлэх зорилгоор 

“PRO ENGINEERING COMMUNITY”-г 2024 онд үүсгэн байгуулсан. 

“PRO ENGINEERING COMMUNITY” арга хэмжээ нь 2 дахь жилдээ зохион байгуулагдаж байгаа бөгөөд уг арга хэмжээнд "Engineers of The Future 2024”-т шалгарч үргэлжлүүлэн “Pro engineering community”-ийн гишүүн болсон оюутнууд мөн ШУТИС-ийн “Инженер клуб”-ийн оюутнууд оролцож, "ТЭСО Пропертис" группийн ирээдүйн чиг хандлага болон дараагийн шинэ төслүүдтэй танилцлаа. Мөн энэхүү арга хэмжээнд урилгаар “Empasoft instutute of technology” компанийн захирал Н.Энхсайхан хүрэлцэн ирж инженерүүд ажлын байран дээр AI TOOL ашиглах, инженерийн мэргэжилд хиймэл оюун ухааныг хэрхэн үр дүнтэй ашиглах талаар илтгэл тавилаа. 

Ийнхүү цаашид инженерүүдэд зориулсан сургалт, хэлэлцүүлэг, арга хэмжээнүүдийг улирал бүр зохион байгуулж ажлын байран дээр сурч хөгжих боломжийг дэмжин ажиллахаар төлөвлөж байна.

“PEOPLE FIRST”

ТЭСО Пропертис группийн бахархал болсон “Хүн төвт" бүтээн байгуулалтыг цогцлоодог нийт бүтээн байгуулагчид, хамт олон бол бидний хамгийн эрхэм үнэт зүйл билээ. 

Удирдагчид : Бидний хамгийн тэргүүн зорилго Teso Properties Group нуруун дээрээ үүрч яваа ажилчдаа шилдэг манлайлагч удирдлагаар хангах, туршлагаараа тэргүүлэх, салбарын мэдлэгийг түгээхэд оршиж, шилдэг удирдагчдыг гадаад болон дотооддоо бэлтгэдэг. 

Инженерүүд & Архитекторууд: Барилгын салбарын гол хөдөлгөх хүч болсон Инженерүүд & Архитектурууд аюулгүй, таатай орчинд ажиллах, суралцах, мэргэжлийн мэдлэг дээшлүүлэх, салбартаа тэргүүлэгч байх, олон улсын шилдэг төсөл хэрэгжүүлэгчид, концепци боловсруулагчтай хамтран ажиллах, салбарын тэргүүлэгчдээс суралцах боломжууд нээгдснээр шилдэг инженерүүд болон өсөн дэвждэг. 

Ажилчид: Бид ажилчдаа ажилд орсон цагаас эхлэн ажлын байранд хурдацтай дасах, хамт олондоо уусах, асуудлыг шийдэх, шийдлийг сонсох, мэдлэг чадварыг дээшлүүлэх, шинэ шийдэл, шинэлэг санааг хэрэгжүүлэх, дотооддоо төдийгүй салбартаа тэргүүлэх бүхий л боломжоор хангаж өгөхийг хичээн ажилладаг. 

"We build PEOPLE in mind."

ТЭСО Пропертис группийн бахархал болсон “Хүн төвт" бүтээн байгуулалтыг цогцлоодог нийт бүтээн байгуулагчид, хэрэглэгч, харилцагч, хамт олон бол бидний хамгийн эрхэм үнэт зүйл билээ. 

Бид төслийн үндсэн цэгээс төслийн дуусах цэг хүртэл ирээдүйг бодож өнөөдрийг бүтээн хөгжүүлдэг. Мөн бид бизнесийн хүн төвт зарчмыг нэн тэргүүнд баримтлан барилга бүтээн байгуулалтын төслүүддээ хэрэгжүүлж, ажилтан бүр хамт олон, харилцагч, хэрэглэгчийн эрх ашгийг эн тэнцүү хүндэтгэсэн шийдвэр гаргаж ажиллахыг зорьдог.

"We build PEOPLE in mind."

Улсын хөгжилд бодитой хувь нэмэр оруулагч аж ахуй нэгжүүдийг тодруулдаг “ЭНТРЕПРЕНЕР-2024” шалгаруулалтаас ТЭСО Пропертис групп “БАРИЛГА, БҮТЭЭН БАЙГУУЛАЛТИЙН ЭНТРЕПРЕНЁР”-оор шалгарлаа. 

Монголын Үндэсний Худалдаа Аж Үйлдвэрийн Танхимаас тодруулдаг уг шалгаруулалтад бизнесийн салбарт өндөр амжилт гаргаж, нийгэм, эдийн засгийн хөгжилд бодитой хувь нэмэр оруулж буй онцлох ААН, байгууллага, бизнес эрхлэгчдийг шалгаруулдаг бөгөөд "Entrepreneur 2024" арга хэмжээ (2024.12.27) зохион байгуулагдлаж, ТЭСО ПРОПЕРТИС ГРУПП “БАРИЛГА, БҮТЭЭН БАЙГУУЛАЛТИЙН ЭНТРЕПРЕНЁР”-ООР ШАЛГАРЛАА.

ТЭСО Пропертис нь хэрэгжүүлж буй төсөл бүрдээ ХҮН ТӨВТ концепцийг эрхэм болгон, хүнээ дээдэлсэн үр ашигтай, эдийн засгийн үр өгөөжтэй, нийгмийн хэрэгцээ шаардлагыг бүрэн хангасан төлөвлөлтийг цогцлоож байна. 

Тогтвортой хөгжилд хамтын үнэ цэн бүтээж буй нийт ажилтан, хэрэглэгчид, харилцагч нар болон бизнесийн хамтрагч нартаа талархал илэрхийлье!

Монголын хамгийн анхны хүүхдэд ээлтэй орчин бүрдүүлсэн Скай Гарден Резиденс төслийн интерьер дизайн зураг төслийн гүйцэтгэгч Azzura LLC ерөнхий архитектор Mr. Matteo Fugazza-тай хийсэн ярилцлагыг хүргэж байна.

Сайн байна уу? Хоёулаа ярилцлагаа анхлан энэ мэргэжлийг сонгосон дурсамжаас эхэлье гэж бодож байна. Тэр сайхан дурсамжаасаа хуваалцаач…

Сайн байна уу? Миний бяцхан ярилцлагыг уншиж байгаа Та бүхэндээ энэ өдрийн мэндийг хүргэе, бас маш их талархаж байгаагаа илэрхийлж байна. Монголд ажилласан багахан хугацаа надад маш сайхан дурсамж үлдээсэн гэдгийг эхлээд хэлмээр байна. Миний хувьд хүүхэд нас минь зургийн дэвтэр, харандаа хоёртой салшгүй холбоотой. Ээж минь сүүлд дурсаж ярихдаа: “Хүүхдүүд тоглоом бариад гүйлдэж байхад чи ганцаараа харандаа бариад л явж байдаг байсан. Харандааг нь хэн нэгэн авчих юм бол тэр доороо шалан дээр тэрийж хэвтээд уйлчихдаг байж билээ” гээд дурсан ярьдаг. Гэхдээ би тийм ч сайн зураач болж чадаагүй ч гэлээ, миний хамгийн дуртай зүйл энэ л байна даа. Хаана ч явсан халаасандаа харандаа болон жижиг дэвтэртэй явдаг. Хүмүүс шинэ санаа болгоноо бичиж тэмдэглэдэг бол би харин зурж тэмдэглэдэг дээ. Манай гэр бүлийн түүх гэвэл зургаан үеэрээ, үе дамжсан архитектор, барилгын зураг төслийн мэргэжилтэй хүмүүс байдаг. Тиймээс бага насны дурсамж бүхэн шууд барилгатай холбогдож байгаа юм. Бид зөвхөн барилгын зураг төслөөс гадна уран баримал, гар урлал, барилгын инженерийн чиглэлээр бас ажиллаж байна. Би аливааг ихэд сониучхан ажиглах, хүмүүсийг яриаг сонсох дуртай. Тэр бүхнээс маш олон зүйл суралцаж, хүмүүсийн юу хүсэж байгааг зургандаа тусгах дуртай. Энэ мэргэжлийнхээ ачаар маш олон газраар аялаж, улс гүрнүүдийн аж амьдрал, ахуй соёлтой танилцаж байсан. Энэ бүхнээс дүгнэхэд архитектор гэдэг нь ард түмний амьдрах орчиндоо хүсэж буй зүйлийг байгальд ээлтэй байдлаар төлөвлөж буулгах, түүнийг бүтээх урлаг юм. Мэргэжлийнхээ хүрээнд иймэрхүү олон ажлыг хийж бүтээж байсан минь нэр төрийн хэрэг гэж үздэг. Бас мэргэжлээрээ маш их бахархдаг. Багаасаа л урлагийн гэр бүлд өссөн минь энэ мэргэжлийг сонгох гол шалтгаан болсон.

Шилдэг төслүүд гайхалтай захиалагчдаас бүтдэг. Миний мэргэжлийг хамгийн үнэ цэнэтэй болгож өгдөг зүйл бол архитектортоо уран бүтээл хийх эрх чөлөөг олгох,  төслийн санаачлагч нь холыг харсан, ирээдүйд юу хийж бүтээх гэж байгаагаа захиалагч бүрэн ойлгох явдал юм. Ийм захиалагч нартай хамтран ажиллах нь ч илүү амар бөгөөд ажил ч гэсэн маш хурдацтай явдаг. Барилга гэхээсээ илүү бүтээл туурвиж байгаа мэтээр ажиллах нь мэргэжлийн хамгийн сайхан нь юм. Орчин үеийн дэвшилтэд технологийг ашиглаж ирээдүйд бүтээн босгох зүйлийг бодитоор харуулах зөв хэдий ч миний хувьд гараар зурах, өнгөөр ялгаж харуулсан зураглалыг илүүд үздэг. Дараа түүнийгээ бодит болсон байхыг харах бас сайхан байдаг шүү. Харин гайхалтай бүтээл гэдэг олон зүйлийг балансыг таруулсан, уялдаа холбоотой цогц зүйлийг хэлдэг. Үүнд:

• Хүрээлэн буй орчин болон түүний түүх
• Захиалагчийн хүсэлд тулгуурласан
• Өнгө үзэмж
• Дизайны төрх, зөв шийдэл
• Гэрэлтүүлэг
• Цаашид хэрэглэгдэх байдал
• Цаг агаарын нөхцөл
• Барилгад хэрэглэгдэх материал гээд олон зүйлээс хамаарна. Эдгээр зүйлсийн тэнцвэртэй байдлын хангасан, байгаль эх дэлхийд ээлтэй төслүүд хамгийн шилдэг нь байж чаддаг.

Би мэргэжлийнхээ хүрээнд жижгээс эхлээд маш том төсөл дээр хүртэл ажиллаж байсан. Жижиг тавиур дээр ямар загвартай шилэн эдлэл байршуулж болох эсэхээс эхлээд ногоон байгууламжийн архитектурын зураг, барилга угсралтын зураг гэх олон ажлыг хамтаар болон ганцаараа хийж гүйцэтгэж байсан. Жишээлбэл: Lake of Como, Sardinia, Tuscany, Alps, French CoteD’azure, Russia, Balcans)

Энэ бүх зүйл зөвхөн миний хүссэн болоод хийсэн зүйлүүд биш юм. Ард нь менежмент, маркетингийн маш том баг ажиллаж байдгыг хэлэх хэрэгтэй. Төслийн төгсгөлд бүтээн байгуулсан зүйлүүдээ тайлагнах, хэрэглэгчдэд танилцуулах өдөр маш их сэтгэл догдолдог. Захиалагч маань сэтгэл хангалуунаар хүлээн авч намайг найзаа гээд бусдад танилцуулахад маш сайхан байдаг. Танилцуулсан хүмүүсээс дараагийн хамтран ажиллах санал ирдэг их сайхан. Энэ бол миний мэргэжлийн хамгийн сайхан зүйл нь дээ.

Сүүлийн үед Монголын барилгын салбар хурдацтайгаар хөгжиж дэвшиж байна гэж ойлгож байна. Таны бодлоор?

Аливаа улс орны хувьд барилгын салбар хөгжинө гэдэг нь тухайн улс хөгжиж буйн хамгийн том жишээ болж өгдөг. Монгол улсын хувьд барилгын салбар хөгжихөд маш хүнд нөхцөлтэй ч маш хурдацтай хөгжиж дэвшиж байгаа мэт санагдсан. Хот доторхи хүн амын төлөвлөрөлт их байгаа ч аль ч улсын барилгын салбарын хөгжил энэ замаар бий болдог. Европ ч гэсэн яг л энэ жишгээр хөгжиж байсныг бид түүхээс нь харж болноо. Хүнээ дээдэлсэн барилга төлөвлөлтийн цаашдын хөгжил нь хотоос зайдуу байхаар хийгдэх юм шиг санагдсан. Учир нь тэрэн ч зөв юм, хамгийн сайхан төсөл барихад хүрээлэн буй орчин, зам тээвэр чухал юм. Тэсо корпорациас хэрэгжүүлж буй “Sky Garden” төсөл нь хотоос тийм ч хол биш мөртлөө байгалийн сайханд төлөвлөгдсөн зам тээвэр сайтай, хажуудаа маш том цэцэрлэгт хүрээлэнтэй болохоор надад маш их таалагдсан. Учир нь миний хувьд ногоон байгууламжтай хотхоны зураг төсөл гаргах, хамтран ажиллахад таатай байдаг. Итали улсад архитектор зураг төсөл хийдэг хүмүүсийн хувьд нэг батлагдсан зүйл байдаг. “Эргэн тойрон дахь ногоон байгууламж ямарч муу, хуучин байшиныг чимэж чаддаг” гэсэн агуулга юм.

Мөн Итали улсад газрын байдлаас хамаарч барилгын босоо төвшин дэхь ногоон байгууламж ихээр төлөвлөгддөг. Тийм төлөвлөлт бүхий хэд хэдэн төсөл дээр хүртэл ажиллаж байлаа. Яг үүнтэй ажил SkyGarden төсөл нь архитекторын шинэ шийдлийг нэвтрүүлж байгаа нь маш их таалагдаж байгаа. Өндөр барилгын босоо төвшинд дагуу ногоон байгууламж хөгжүүлэх юм бол яг л тэнгэрлүү тэмүүлж буй нэгэн том мод шиг л харагдана гэж бодож байна.

Дэлхий нийтийн барилгын чиг хандлага sustainability буюу “тогтвортой хөгжил” гэх үгтэй салшгүй  холбоотой юм. Энэ хандлага ч дэлхий нийтэд трэнд болоод эхлэх шиг боллоо. Тэнгэр баганадсан барилгын үе өнгөрчээ. Үнэтэй эд материал ашигласан мөн байгальд ээлтэй технологи нэвтрүүлсэн гэх энгийн менежмент нь урт хугацааны туршид өрсөлдөх чадвар  багатай байгаад байна. Хүний өдөр тутмын амьдралыг дэмжсэн хувь хүнийг хөгжүүлсэн тогтвортой төлөвлөлт дэлхийн барилгын салбарыг тодорхойлж байна. Монгол улсын хувьд ард иргэдээ дэмжсэн урт хугацааны бүтээн байгуулалт эхлүүлэх цаг нь болсон гэж харж байна. Үүнд: УЛС – АРД ИРГЭД – БАРИЛГЫН КОМПАНИ –н хувьд аль аль ашигтай байхаар төлөвлөж хийх хэрэгтэй. Энэ бүхэн тун удахгүй эхлэнэ гэдэгт итгэлтэй ба

Одоогийн баригдаж буй барилга, хийгдэж буй ажлууд маань бүгд л хүүхдэд ээлтэй, ирээдүйгээ хайрласан, хойч үедээ сайн сайхан зүйлийг үлдээсэн төслүүд байгаа. Ийм сайхан төсөл дээр ажиллах сэтгэлд хүртэл сайхан байдаг. Миний түрүүний ярьсан “ТОГТВОРТОЙ ХӨГЖИЛ” гэх агуулгын суурь ойлголт нь хүүхэд юм. Учир нь бид бүгд сайхан амьдрах ёстой гээд хойч үедээ үнс нурам үлдээж болохгүй юм. Хэдэн жилийн өмнө Москва хотод нэгэн төсөл эхлүүлсэн юм. Тухайн барилгын амьдрах орчныг мөн хүүхдэд ээлтэй байдлаар шийдэж өгсөн. Эргэн тойронд байрлах хурдны том замуудыг аюулгүй гүүрэн гарцаар шийдэж өгсөн нь хэрэглэгчдэд маш их таалагдаж хормын дотор борлуулагдаж байсан. Эрэлт хэрэгцээ байгаа учраас дэлхий нийтийн чиг хандлага sustainability буюу тогтвортой хөгжилрүү тэмүүлж байна.

“Скай Гарден” төсөл дээр хамтран ажилласанд маш их баяртай байгаа. Миний нүдээр харсанаар төслийн хамгийн чухал зүйл нь:

• Хүүхдэд ээлтэй орчин

Монголчуудын хүн ам өдрөөс өдөрт өссөн нэмэгдэж байгаа гэж сонссон. Түүний хирээр хүүхдэд аюултай олон гэмт хэрэг гарч байсныг санаж байна. Хүүхдүүд амьдарч буй орчиндоо аюулгүй амьдарч аз жаргалаар дүүрэн байх ёстой. Гэрэлтүүлгийн шийдэл, Камержуулах систем, автомашины урсгал гэх бүх зүйлийг сайтар бодож төлөвлөсөн.

• Ногоон байгууламж

Орчин үеийн ногоон байгууламжийг 2 төрлийн шилдэг шийдлийг зэрэг нэвтрүүлж буй анхны хотхон гэж хэлж болох юм. Гэртээ ногоон байгууламжтай, өндөр барилгын 1 давхар 4 улиралын цэцэрлэгтэй, хотхоны гадна салхилах талбай цэцэрлэгт хүрээлэнтэй, хотхонтой хил залгаа Улаанбаатар хотын хамгийн том цэцэрлэгт хүрээлэн, амралт зугаалгын бүстэй гэхээр хамгийн том давуу тал юм.

• Өрөөний зохион байгуулалт, Интерьер дизайн

Хэдий хүүхдэд ээлтэй гэж байгаа боловч дотор интерьер дизайн орчин үеийн сонгодог загвартай, ая тухтай, үнэ цэнийг илэрхийлэхүйц байна. Монгол улсын өндөр зэрэглэлийн орчин үеийн орон сууцны жишиг болохуйц төсөл болно гэж хэлж болох юм.

"Тэсо пропертис" групп O.Couture брэндтэй хамтран зохион байгуулсан “Winter garden” энтертайнмент загварын шоунд урлаг соёлын шилдэг үзүүлбэрүүд, энэ оны загварын тренд танилцуулагдсан ба оройн хамгийн онцлох загвараар “Winter garden” тодорсон. Мөн "Тэсо пропертис" группийн зүгээс  “Sky garden residence” төслөөс хүссэн байраа захиалахад 50 сая төгрөгийн шагналын сантай супер азтанг шалгаруулж эрхийн бичгээр шагналаа.

Шоуг “Winter garden” гэж нэрийдсэний учир нь  "Тэсо пропертис" группийн Хүүхдэд ээлтэй төлөвлөлт бүхий өндөр зэрэглэлийн “Sky Garden Residence” төсөл  Монголын хамгийн анхны ногоон орчин бэлэглэх дэлхийн шилдэг архитекторуудын шийдэл “Winter garden" буюу "Өвлийн цэцэрлэг"-ийг төлөвлөсөн. “Winter garden”-д жилийн 4 улирлын турш ногоон байх 100 орчим нэр төрлийн ургамал байрлах давуу талтай. Тэгэхээр та гэрээсээ холдолгүй модтой уулын бүс дэх цэвэр агаараар амьсгалан эрүүл мэндээ дэмжихээс гадна тэсгим хүйтэн өвлөөр дун ногоон зуны улирлын орчинг мэдрэх боломжтой гэсэн үг юм. Энэ нь шоуны утга санаатай өвөрмөц содон шийдлээрээ бүрэн нийцнэ.

Богд уулын бэлд, Их Тэнгэрийн аманд, Туул голын хөвөө, Үндэсний цэцэрлэгт хүрээлэнгийн баруун талд үзэсгэлэнт байгаль, цэвэр агаар бүхий онцлогтой байршилд сүндэрлэж буй хүүхдэд ээлтэй төлөвлөлт бүхий өндөр зэрэглэлийн “Sky Garden Residence” төсөл нь 2017 онд байгуулагдсан бөгөөд 2021 оны III-р улиралд 1-р ээлжийн 4 блок орон сууцны барилгын ажлыг ашиглалтад оруулаад байна.

Мөн “Sky Garden Residence” төсөл Улаанбаатар хотын хамгийн том ногоон бүс болох Үндэсний цэцэрлэгт хүрээлэнтэй шууд холбогдсон 150 метр урттай Монголын хамгийн анхны дугуйн гүүрэн гарц, Монгол улсын цаг агаарын нөхцөл байдлаас үл хамааран өвлийн хүйтэнд , зуны халуунд ч гадаа гаралгүйгээр хотхоны бүх блокууд руу дамжин орон боломжтой туннель холболт, олон улсад өргөнөөр ашиглагдаж буй “DUAL KEY” өрөөний зохион байгуулалт зэрэг олон шилдэг шийдлүүдийг Монголдоо анх удаа нэвтрүүлэн ажиллаж байна.

Төслийн борлуулалтын оффис: “SKY GARDEN RESIDENCE” 203-р байрны 103 тоот

Холбоо барих утас: 7715-5555